Part 1 ~ 我 5 係孤兒
我 5 係一出世就冇父冇母 ga,
我 4 歲前佢哋仲在世
就係一次交通意外, 令我一時間冇咗 daddy mommy
其實嗰次我理應跟埋佢哋一齊走
係 ''爸爸叔叔'' 一句說話救返我
(''爸爸叔叔'' 係 my daddy ge 細佬, 一手湊大我, 我最尊敬 ge 人之一)
我 daddy mommy 從事成衣批发出口
所以家境都幾好
我 4 歲嗰年, daddy 同 mommy 要去歐洲搞 expo
嗰時係 1987 年 5 月
因為要搞好多嘢, 所以要去成 2 個月
mommy 話 5 捨得我, 想帶埋我去
但我嗰時仲返緊學, 未放暑假, 又就快考試
''爸爸叔叔'' 話不如佢同嫲嫲凑我, 等我 2 個月後放暑假先帶埋我過去一齊玩
daddy mommy 同 ''爸爸叔叔'' 不嬲感情好好, 而且又有嫲嫲响度
所以都好放心
而我不嬲都好痴 mommy
我當然會扭計 la
mommy 就喺臨上機前 2 日, 買咗隻好大 ge monchichi 公仔比我
隻 monchichi 成 2 尺高
mommy 仲幫佢着咗佢自己 ge 一件背心, 話比我聞到佢 D 味 tim
daddy mommy 上機嗰日, 我同 ''爸爸叔叔'' 都有去送機
我喊到拆天咁, 我見到 mommy 都有小小眼紅
我知佢 5 捨得離開我成2 個月
daddy 同 ''爸爸叔叔'' 仲笑我哋 2 母女好似哭喪咁
差不多每晚都同 daddy mommy 傾 IDD,
晚晚都抱住 monchichi 瞓
期待 60 日第一次坐飛機去揾 daddy mommy
可惜... 30 幾日後, 我仲上緊唱遊堂時,
''爸爸叔叔'' 喺幼稚園班房門口出現
我見佢對眼紅哂, 我 5 敢問佢做乜
佢只係抱得我好實好實, 我差 d 透 5 到氣
就飛的去咗機塲...
我見到嫲嫲... 佢又抱住我喊
我完全不知所措
5 知點解會咁, 又可能嚇親, 就不停咁喊
生平第一次生飛機
係不停咁喊
亦係去接父母 ge 屍返 HK
daddy mommy 喺德國 hamburg 撞車
即塲死亡
人生中第一次 ge 傷心
喪禮上, ''爸爸叔叔'' 雙手無力搭住我膊頭話,
''雪雪, 你 5 係孤兒, 只要有我, 你一定 5 會係孤兒.''
往後 10 幾年我都同 ''爸爸叔叔'' 一齊過