|
|
|
|
願將所有辛酸情淚盡留於此.序章
熟知我既朋友都知我一向都唔中意提及自己既感情生活,感情上既唔開心我一直都只係收收埋埋。但係十年以來我背負既心結愈來愈多,我覺得係時候解脫一下,放低一啲。所以前排有朋友追問我情史既時候我都唔再推喇,應承遲d講俾佢地知。同一樣野唔想打幾次,想睇我十年以來都冇講過既秘密既朋友就自己入黎追POST啦。
某朋友成日都唔信我冇女朋友,有日佢同我咁講:「你咁萬人迷,要搵女既話大把女飛埋黎啦。」我就唔知自己而家係咪真係仲有咁大吸引力喇,萬人迷十八廿二時已經做過,都可以滿足一下自己既自戀癖同虛榮感既,可惜令到自己女朋友冇安全感就得不償失喇。
熟我既人都知我係典型巨蟹仔,係專一而深情既人,朝三暮四日日新人的確唔難,但絕對唔適合我。我一直都只係想搵個可以長長久久既女朋友。我中學時期最羨慕既唔係有錢佬,而係一個同初戀情人結婚生仔既某個中學班主任。最羨慕既小說主角亦唔係韋小寶,而係楊過。
做萬人迷唔係唔好,但如果有得俾我揀,我覺得只要能夠迷倒那一個我最深愛既女人已經好足夠。賈寶玉有句說話好岩我心意:「任憑弱水三千,我只取一瓢飲。」女人有幾多都好,我愛一個已經夠。
可能係我冇咁既福份啦,近年遇到既女仔都係比較貪玩貪新鮮而且唔係咁定性同專一,久而久之令到自己心灰意冷。
前幾日同朋友傾計,佢問我對女朋友有咩要求,我好認真咁諗左一諗,答:「合眼緣,性格夾,專一唔滾。」哈,我竟然俾佢笑:「專一唔滾?咩呢啲唔係女仔對男朋友既要求黎既咩?」我苦笑,好無奈咁答佢:我諗妳應該估到我點解對愛情咁心淡啦。
十年情史,十字作結:一情生一孳,半生亦半緣。
|
Today, there have been 12 visitors (14 hits) on this page!
|
|
|
|