第 2 章．內疚

暑假之後我轉了到另一間學校重讀中五，那是一間男女校，當時我意外地非常受女仔歡迎。但係我一心一意要考好會考，所以硬起心腸拒絕左幾個女仔。

會考之後順利升中六，一直無事。一直到升中七那個暑假，有個一直冇聯絡既中五舊同學 B 突然寄左一份生日禮物俾我，佢信上寫話暗戀左我好耐，希望我中意份生日禮品。佢知我中意睇書，所以送左一本書俾我，書既頭幾頁頁邊上有佢寫低既一首情歌歌詞。

我真係好驚喜，因為咁多年黎都係第一次收女仔送既生日禮物，而且我感受到份禮物之中既情感。B 係一個純品內向既女仔，我知道曾經有幾個男仔追過佢，但佢從未拍過拖。我知道佢要好大勇氣先敢寄出呢一份禮物。我一時感動得眼睛濕了。

我回左信俾佢，同佢交換左電話，佢同我講想去書展，於是我就約左佢一齊去書展。之後我地約會左幾次，大概一個月之後我地就一齊左。

B 所有野都就晒我，永遠將我放響第一位。頭一年我地都過得好開心，可惜那時年少輕狂，我身邊太多狂蜂浪蝶，令我一直都不懂得欣賞她為我做的事，以致日後分手收場。

中七時候我的抑鬱症發得很厲害，成績由頭位跌落尾位，最後A-LEVEL 成績慘不忍睹，圓不了大學夢，唯有轉讀IVE，但當時個病愈來愈嚴重，對返學已經有嚴重恐懼，學業壓力太大，個人變得不可理喻，脾氣暴躁，對佢愈來愈差，而佢一直都忍讓我。

我一直都令一個咁錫自己既人咁唔開心真係好有罪惡感。我亦知道我控制唔到自己，所以決定離開，我唔可以再繼續傷佢心。

今次係我做左壞人，我深深傷害左呢世人對我最好既女人，我一直內疚至今。

呢段關係維持左三年。



待續