第5章．愛的替身

佢叫E係北京人，北京師範大學畢業，在堔圳工作。溫柔而且有氣質，我第一次覺得自己配對方唔上。我地響網上認識，有一見如故既感覺，傾得好開心。因為佢我就申請左依家呢個MSN ACCOUNT，果陣係佢教我用 MSN。
我普通話好差，所以大家語言溝通有ｄ困難，但係響MSN傾計就傾得好開心。
我知佢好中意小雲小吉，我一得閒就周圍搵小雲小吉既野送俾佢，真係好難搵，行左兩個禮拜卒之買到俾佢。

可惜大家距離太遠，開心了既日子只有短短一個月，記得當年七月初佢應承來香港和我慶祝生日，我推晒所以約會諗住同佢二人世界，結果佢失約冇黎到，我自己一個人過左一個成世人最唔開心既生日。

幾日後佢話同我講對唔住，不過唔係因為佢陪唔到我過生日，「你好好人，對我好好…..」佢話自己已經返EXBF一齊。

我當時好擔心，因為佢話佢EX對佢好差，好驚佢再一次被傷害。但佢已經考慮清楚，一切已成定局。

傷心，係之後既事。
優勝劣敗，我唔可以令佢忘記舊情人，就只有離開。
情深緣淺，一切只能認命。

佢係令我最投入去愛既女仔，離開佢令我情緒極端低落。我知道自己俾唔到佢想要既野佢，希望佢響第二個身上得到。因為我真係由始至終都覺得自己配佢唔上，可以令佢開心過幾日已經好足夠。這一次我深深體會到愛不是佔有。


《　日　記　》2005-08
不再盼淚水幫我洗刷跟妳的記憶；
不再望烈酒給我沖淡對妳的思念；
不再等時間助我減輕別離的痛楚。
因為，我已有自己的方法 ── 讓記憶消失的方法。
我在這裡寫下我對妳的所有痴愛執迷，
然後在我心裡抺去對妳的所有痴愛執迷，
合上兩眼為妳最後一次祈禱，最後一次為妳流淚，
合上日記，我不容我的記憶再給淚水沾染。
戀曲終人須散，愛別離情須斷。

待續