第6章．痴心當玩偶

同E分開左之後我心情一直好差，好彩當時工作忙碌而且幾多姿多彩，所以都冇舊病復發。
其時經常去HK DISCUSS討論區玩，識左一班好傾得埋既朋友小雪,涼子,小寶,SKY師兄……佢地成日陪我開解我，所以我心情都好快平伏返。

當時我響 HK DISCUSS 除左佢地之外，仲識到F。初時我都冇特別留意佢，佢入黎我POST知道我既事，提到佢以前ｄ男朋友都好花心，同我同是天岸淪落人。我地經常互相開解。
幾日後佢同我講：「如果我之前既男朋友好似你咁深情就好，如果我地早ｄ識咪好，我都好想有個好似你咁既男朋友。」就響果日開始，我地交換左ICQ同電話。我地成日傾計，我覺得佢好關心我，每日都噓寒問暖，我真係好耐都未試過有人咁關心呵護我喇，成個人暖晒，好自然咁成日好想搵佢傾計，好快咁就同左佢一齊。

剛開始時佢對我好好，好似小鳥依人咁日日黐住我，知我為食就成日煮野我食，佢真係好識氹我，我好ENJOY同佢一齊。當時我諗啦，兜兜圈圈咁耐卒之有著落喇。

未夠一個月，佢已經開始唔覆我電話，好似變左第二個人咁。我當時響DISCUSS發現佢同另外幾個男仔玩得好埋，我個心沉左一沉。跟住我SEARCH晒佢所有POST 同留言逐一逐一咁睇，一邊睇眼淚一邊咁流，成個KEYBOARD都濕晒。

我睇到佢同另一個男人P關係好曖昧，互相叫對方honey, 愛人，其他人都叫F做P 嫂。我搵到個POST入面有一張佢地好親密既合照，張相係我同佢拖手之後第二日POST既。討論區既朋友話之前都覺得F份人奇奇怪怪，佢地估到我同佢有D野，想同我講但又唔知點開口。而且佢地都唔知我地已經一齊左，所以最後冇人同我提起。我諗返起我地第二曰出街時，Ｆ再三叫我唔好響版講我地既關係。而家卒之明白明白點解。
「我是天空裡的一片雲，偶爾投影在你的波心──你不必訝異，更無須歡喜──在轉瞬間消滅了蹤影。」呢個係Ｆ留俾我最後既MESSAGE。

我怪佢，但我最痛恨既都係自己。有眼無珠，自取其辱。當日我將ICQ ,MSN, 電話中所有女性既RECORD全部DELETE晒，往後一年幾乎完全冇同女性朋友來往。

病發了，由它吧。


《夢醒時分》2005-09
愈甜美的夢令人愈不願再醒來，縱使美麗的夢境已經變了質，我都千不願萬不願醒過來。
我呆呆望著那燦爛的笑容變得勉強曖昧，知道好夢終於破滅，希望究竟成空。
我心中默默禱求著奇蹟來臨。我用力閉起雙眼，逃避眼前劇變；我用力緊握拳頭，令我的禱告更加有力。可是夢境繼續崩潰，霎時間天旋地轉，如被拋入汪洋之中......
迷迷糊糊間我給濕淋淋的枕頭浸醒。
寂夜無聲，晚風颯動。無聲晚上只餘下砰噗砰噗的心跳，颯動涼風吹拂蓍奪眶而出的淚水。



待續